Elızaveta ІІ: Ulybrıtanııanyń EO-dan shyǵýy týraly referendým 2017 jyldyń sońyna deıin ótedi
ASTANA. QazAqparat - Ulybrıtanııanyń Eýropalyq odaqtan shyǵýy máselesi boıynsha referendým 2017 jyldyń sońyna deıin ótedi, dep málimdedi Ulybrıtanııa patshaıymy Elızaveta ІІ parlamentte taqqa otyrý saltanatynda úkimettiń aldaǵy parlamenttik jylǵa qyzmetiniń baǵdarlamasyn usyna otyryp, dep habarlady TASS.
«EO músheligine baılanysty 2017 jyldyń sońyna deıin referendým ótkizý úshin aldyn ala zańnamalyq sharalar qabyldanatyn bolady», dep málimdedi monarh.
«Meniń úkimetim Birikken Koroldiktiń EO-men qatynastaryn qaraý jóninde kelissózder ótkizedi jáne onyń barlyq músheleriniń paıdasy úshin EO-ny reformalaýǵa baǵyttalatyn bolady», dep málim etti Elızaveta ІІ.
2017 jylǵa deıin osyndaı referendým ótkizý 7 mamyrda jalpyǵa birdeı saılaýda jeńiske jetken premer-mınıstr Devıd Kemeron bastaǵan Ulybrıtanııa konservatıvtik partııasynyń saılaýaldy ýádeleriniń biri bolatyn.
