Elızaveta ІІ patshaıym Twitter-de óziniń alǵashqy jazbasyn jarııalady
ASTANA. QazAqparat - Brıtanııa patshaıymy Elızaveta ІІ Twitter áleýmettik jelisin paıdalanýshylarynyń qataryn tolyqtyrdy. Alǵashqy habarlamasyn ol Elizabeth R degen atpen jarııalady, dep habarlaıdy sheteldik BAQ.
Jazba Vındzor saraıynyń mıkroblogynda Londonnyń áıgili Ǵylym murajaıynyń jańa qanatyn ashý kezinde jarııalandy. Murajaıǵa ınformatıka men kommýnıkatsııaǵa arnalǵan ekspozıtsııa qoıylǵan edi.
«Men Ǵylym murajaıynda «Aqparattyq ǵasyr» kórmesin zor sezimmen ashtym. Adamdar oǵan qýana keletin bolady dep úmittenemin», - delingen Elızaveta ІІ habarlamasynda. Buryn ol eshqashan osy áleýmettik jeliniń mıkroblogyna jazba qaldyrmaǵan edi.
Aıta keteıik, qalpyna keltirýge 25 mln. dollar jumsalǵan atalmysh murajaıdyń jańa qanatynda 800-den astam eksponat tanystyryldy. Solardyń biri - álemdegi alǵashqy zamanaýı kompıýterdiń saqtalyp qalǵan jalǵyz nusqasy. Ony belgili brıtandyq matematık Alan Tıýrıng jasaǵan.
