Elızaveta II patshaıym koronavırýs juqtyrdy

NUR-SULTAN. BBC-QazAqparat – Brıtanııa patshaıymy Elızaveta II koronavırýs juqtyrdy, dep habarlady Býkıngem saraıy.

Bul týraly QazAqparat BBC agenttigine silteme jasap habarlaıdy.

Agenttiktiń jazýynsha, patshaıymǵa azdap sýyq tıgen. Alaıda saraıdaǵylar osy aptada onyń Vındzordaǵy qyzmetin jalǵastyratynyn málim etti.

«Oǵan medıtsınalyq kómek kórsetilip, barlyq qajetti talaptardy oryndaıdy»,-delingen málimdemede.

Patshaıymǵa vaktsına salyndy

Elızaveta ІІ 95 jasta. Ol óziniń úlken uly jáne murageri Ýels hanzadasymen baılanysta bolǵany belgili. Al ótken aptada hanzadadan alynǵan synama qorytyndylary onyń koronavırýsqa shaldyqqanyn rastap shyqqan.

2021 jyldyń 9 qańtarynda patshaıym Elızaveta II koronavırýsqa qarsy alǵashqy vaktsınasyn alǵany habarlandy.

Koroldik saraıdaǵy BBC tilshisi Nıkolas Vıtchelldiń aıtýynsha, patshaıym vaktsınanyń tolyq kýrsynan ótken.

2022 jyldyń 6 aqpanynda Elızaveta II patshaıym taqtaǵy platına mereıtoıyn atap ótti. Ol 70 jyl bılik etken tarıhtaǵy alǵashqy brıtandyq monarh boldy.

Patshaıymnyń platına mereıtoıyn toılaýy birshama ýaqytqa sozylady jáne onyń sharyqtaý shegi jazdyń basyna josparlanǵan: Ulybrıtanııada 2-5 maýsym aralyǵyndaǵy kúnder jalpyǵa ulttyq demalys jarııalandy.