Elızaveta Bezrýkova nysana kózdeýden Qazaqstan rekordyn jańartty
ASTANA. KAZINFORM - Shymkent qalasynda nysana kózdeýden jasóspirimder arasyndaǵy (2003 jáne odan keıingi jyldary týǵandar) Qazaqstan chempıonaty ótip jatyr.
Sportty damytý dırektsııasynyń baspasóz qyzmeti málim etkendeı, bul básekede ulttyq qurama sportshysy Elızaveta Bezrýkova 10 metrden pnevmatıkalyq vıntovkamen nysana kózdeýden el chempıony atandy. Ol irikteý kezeńinde 632.7 upaı jınady.
Al, ekinshi oryndy ulttyq quramanyń taǵy bir ókili Aleksandra Le (630.2 ball) ıelendi.
Bul baǵdarlamadaǵy jassóspirimder men eresekter arasyndaǵy osyǵan deıingi elimizdiń úzdik kórsetkishin Elızaveta Bezrýkova (630.9 upaı) tirkep, Qazaqstan rekordyn jańartty.
Aıta keteıik, nysana kózdeýden jasóspirimder arasyndaǵy el chempıonaty 16 naýryzda máresine jetedi. Sporttyq básekege 10 óńirden 163 sportshy qatysýda. Olar barlyǵy 25 júlde jıyntyǵyn sarapqa salyp jatyr.
