Elızabet Tursynbaevanyń mánerlep syrǵanaýdan «Skate Canada-2015» Gran-prı kezeńine qatysýy tikeleı efırde kórsetiledi
ASTANA. QazAqparat - «KAZsport» telearnasy mánerlep syrǵanaýdan «Skate Canada» Gran-prıin tikeleı efırde kórsetedi, dep habarlaıdy kazsport.kz.
Búgin Kanadanyń Letbrıdj qalasynda mánerlep syrǵanaýdan Gran-prı serııasynyń «Skate Canada-2015» kezeńi bastalady.
Qyzdar arasyndaǵy jarysqa qazaqstandyq 15 jastaǵy Elızabet Tursynbaeva da qatysady. Aıta keteıik, jerlesimiz bir apta buryn Gran-prı serııasynyń «Skate America-2015» kezeńinde júldege bir taban jaqyndap, 4-shi oryn alǵan edi. Sonymen qatar qyzdar arasyndaǵy jekeleı synda mánerlep syrǵanaýdan qazirgi Álem chempıony reseılik Elızaveta Týktamysheva da baq synaıdy.
Al, erler arasyndaǵy saıysqa Sochı Olımpıadasynyń chempıony japonııalyq ıÝdzýrý Hanıý men sol oıyndardyń kúmis júldegeri kanadalyq Patrık Chan qatysady. Al Sochıde qola medal ıelengen qazaqstandyq Denıs Ten Kanadadaǵy Gran-prı kezeńine qatyspaıdy.
Osy jáne álemniń basqa da sportshylar tartysyn «KAZsport» telearnasy tikeleı efırde kórsetedi.
Kórsetilim kestesi:
30 qazan 00:45. Muzda bıleý. Tikeleı efır 02:10. Qyzdar. Qysqa baǵdarlama. Tikeleı efır
31 qazan 05:35. Erler. Qysqa baǵdarlama 07:25. Juptar. Qysqa baǵdarlama. Tikeleı efır 23:50. Qyzdar. Erkin baǵdarlamalar. Tikeleı efır
1 qarasha 06:35. Erler. Erkin baǵdarlama. Tikeleı efır 15:25. Muzda bıleý. 00:00. Juptar. Erkin baǵdarlama
