Elızabet Tursynbaeva Tórt qurlyq chempıonatynda 12-orynǵa jaıǵasty
ASTANA. QazAqparat - Qazaqstandyq mánerlep syrǵanaýshy Elızabet Tursynbaeva Qytaıda ótip jatqan Tórt qurlyq chempıonatynda 12-oryn aldy, dep habarlaıdy «SPORTINFORM» SAA.
Qysqa jáne erkin baǵdarlamalar boıynsha sportshy qyzymyz 156,19 nátıjesin kórsetti. Qazaqstandyq taǵy bir mánerlep syrǵanaýshy Aıza Mambekova 23 qatysýshynyń arasynda 20-synshy (121 ball) boldy.
Alǵashqy úsh orynnyń barlyǵy japondyq sportshylarǵa buıyrdy. Atap aıtqanda, «altyn» - Kaorı Sakamotoda (214.21), «kúmis» - Mııa Mıharada (210.57), «qola» - Satoko Mııaharada (207.02).
27 qańtar kúni erkin baǵdarlamada Denıs Ten men Abzal Raqymǵalıevter óner kórsetedi. Eske salaıyq, mánerlep syrǵanaýshy er azamattarymyz qysqa baǵdarlamada - Ten -11, Raqymǵalıev 21-inshi oryn alǵan bolatyn.
