Elızabet Tursynbaeva men Denıs Ten mánerlep syrǵanaýdan Gran-prı maýsymynyń alǵashqy kezeńinde baq synaıdy
ASTANA. QazAqparat - 23-25 qazan kúnderi «KAZsport» telearnasy mánerlep syrǵanaýdan Gran-prı maýsymynyń alǵashqy kezeńin tikeleı efırde kórsetedi, dep habarlaıdy kazsport.kz.
Búgin amerıkandyq Mılýokı qalasynda mánerlep syrǵanaýdan Skate America kezeńindegi Gran-prı serııasynyń jańa maýsymy bastalady.
Dúbirli dodada Qazaqstannyń namysyn qyzdardan «Skate Canada Autumn Classic» týrnırinde altyn medal ıelengen Elızabet Tursynbaeva qorǵaıtyn bolady. Al Gran-prıdiń birinshi kezeńindegi nagradaǵa úmitkerler arasynda Sochıdegi Olımpıada oıyndarynyń jáne Shanhaıdaǵy álem chempıonatynyń kúmis júldegeri Denıs Ten bar. Álemniń úzdik erler men áıelder mánerlep syrǵanaýshylarynyń arasynda ótetin týrnır 6 kezeńnen turady. Qytysýshylar erkin baǵdarlama, juptyq syrǵanaý jáne muz bıi sanattary boıynsha synǵa túsedi. Jarystyń eń úzdik alty sportshysy jyl sońynda Gran-prı týrnıriniń aqtyq saıysyna qatysýǵa joldama alady. Bıylǵy týrnırge 15 jastan asqan sportshylar qatysa alady. Gran-prı maýsymynyń kezeńderi - 2015: 1 kezeń: «Skate America 2015» AQSh, Mılýokı 23-25 qazan. 2 kezeń: «Skate Canada 2015» Kanada, Letbrıdj 30 qazan jáne 1 qarasha. 3 kezeń: «Cup of China 2015» Qytaı, Beıjiń 6- 8 qarasha. 4 kezeń: «Trophée Eric Bompard 2015» Frantsııa, Bordo 13-15 qarasha. 5 kezeń: «Cup of Russia 2015» Reseı, Máskeý 20-22 qarasha. 6 kezeń «NHK Trophy 2015» Japonııa, Nagano 27-29 qarasha. Gran-prı kezeńiniń fınaly: Ispanııa, Barselona 10-13 jeltoqsan. Mánerlep syrǵanaýdan 2015/2016 Gran-prı maýsymynyń alǵashqy kezeńi qazan aıynda bastalsa, sońǵy kezeńi jeltoqsan aıynda aıaqtalady. Al, «Qazaqstan» Ulttyq telearnasy 25 qazan kúni saǵat 00:45-te Gran-prı týrnıriniń gala-shoýyn tikeleı efırde kórsetedi.
