Elızabet Tursynbaeva Máskeýde ótetin «Rostelecom Cup 2018» týrnırine qatysady
QYZYLORDA. QazAqparat - Qyzylordalyq mánerlep syrǵanaýshy Elızabet Tursynbaeva Reseı astanasy Máskeý qalasynda ótetin «Rostelecom Cup 2018» gran-prı sharasynyń sońǵy kezeńderinde baq synaıdy, dep habarlaıdy QazAqparat tilshisi.
Atalmysh jarys 16-18 qarasha kúnderi ótedi. Týrnırdi konkımen syrǵanaýshylardyń halyqaralyq odaǵynyń qoldaýymen (ISU) Reseı konkımen syrǵanaýshylar federatsııasy uıymdastyryp otyr.
«Bul jarys «Megasport» arenasynda ótedi. Júldeler jigitter jáne qyzdar arasynda jekeleı synda, juptyq saıysta jáne muz aıdynda bıleý boıynsha sarapqa salynady. Qazaqstan boıynsha Elızabet Tursynbaev el namysyn qorǵaıdy. 16 qarasha Elızabet qysqa baǵdarlama boıynsha synǵa tússe, 17 qarashada erkin baǵdarlama boıynsha aıdynǵa shyǵady», - dedi Elızabettiń ákesi Baıtaq Tursynbaev.
Al 18 qarashada jeńimpaz ben júldegerlerdi marapattaý rásimi ótedi. Sondaı-aq, saıysqa qatysýshylar aıdyn ústinde túrli baǵdarlamany jankúıerler nazaryna usynady.
Esterińizge sala ketelik, ústimizdegi jyly aqpan aıynda Elızabet Ońtústik Koreıada ótken qysqy Olımpıada oıyndaryna qatysty.Sondaı-aq, naýryz aıynda Ispanııada ótken álem chempıonatynda baq synady. Al sáýir aıynda Elızabet Tursynbaeva Qyzylorda qalasynda jas órenderge sheberlik dárisin ótkizdi. Al qyrúıekte Elızabet Tursynbaeva Slovakııadaǵy halyqaralyq týrnırde kúmis medal ıelendi.
