Elızabet Tursynbaeva Kanadada ótken týrnırde qola júldege ıe boldy
ASTANA. QazAqparat - Mánerlep syrǵanaýshy Elızabet Tursynbaeva Monrealda ótken Autumn Classik International Skate Canada-2017 halyqaralyq týrnırinde qola júldege ıe boldy, dep habarlaıdy QazAqparat sportshy qyzdyń ákesi Baıtaq Tursynbaevtyń Instagramdaǵy paraqshasyna silteme jasaı otyryp.
«Elızabet qyzymyz jańa sport maýsymyn sátti bastady! Kanadanyń Monreal qalasynda ótken Autumn Classic International-2017 - Chellendjer serııasynyń týrnırindegi áıelderdiń jalǵyz syrǵanaýy aıaqtaldy. Elızabet, erkin baǵdarlamany tamasha oryndap qola medal aldy! Birinshi orynda - 2014 jylǵy Olımpıadanyń kúmis júldegeri, 2017 jylǵy álem birinshiliginiń vıtse-chempıony, Kanadanyń tanymal mánerlep syrǵanaýshysy 22 jastaǵy Keıtlın Osmond! Ekinshi orynda 2017 jylǵy álem chempıony, 18 jastaǵy japondyq Maı Mıhara.
Aıta keterligi, qysqa baǵdarlamada Elızabet besinshi orynda boldy, tek erkin baǵdarlamada Celin Dion men Andrea Boselli oryndaýyndaǵy «The Praer» kezinde minsiz syrǵanap úzdik úshtik qataryna kóterildi!», - dep jazdy B.Tursynbaev.
Halyqaralyq týrnırge 12 memleketten 16 mánerlep syrǵanaýshy qatysty. Sarapshylardyń pikirinshe, alty sportshy qyz aldńǵy oryndarǵa úmitti bolǵan: Kaetlyn Osmond (Canada), Mai Mihara (JPN), Cortney Hicks (USA), Alaine Chartrand (Canada), Rin Nitaya (JPN) jáne bizdiń Eizabet (Kazakhstan), dep atap ótti B.Tursynbaev.
