Elızabet Tursynbaeva Bostonda álem chempıonatynda 12-oryndy ıelendi
ASTANA. QazAqparat - 16 jastaǵa qazaqstandyq mánerlep syrǵanaýshy Elızabet Tursynbaeva amerıkalyq Bostonda ótken álem chempıonatynda 12-oryndy ıelendi.
Qysqa baǵdarlamadan keıin sportshy 61,63 ball jınap, 12-shi oryndy ıelendi. Erkin baǵdarlamada E. Tursynbaeva 121,99 balmen 10-shy nátıje kórsetti. Jalpy qorytyndy ball - 183,62.
Bul mánerlep syrǵanaýshynyń eresekter arasyndaǵy álem birinshiligindegi debıýttik jarysy ekenin atap ótken jón.
2016 jylǵy álem chempıony reseılik Evgenııa Medvedeva (223,86) boldy, kúmisti AQSh-tan kelgen Eshlı Vagner (215,39) aldy, úshinshi oryn da reseılik - Anna Pogorılaıaǵa (213,69) buıyrdy.
Eske salsaq, 2016-ÁCh-de Qazaqstan atynan Denıs Ten shyqty. Ol 11-oryndy ıelendi. Qysqa baǵdarlamada sońǵy oryn alǵan Daryn Júnisov pen Anastasııa Hromova juby balldary jetpeı, erkin baǵdarlamada óner kórsete almady.
