Elızabet Tursynbaeva álem chempıonatynda 9-oryn aldy
ASTANA. QazAqparat - Qazaqstannyń mánerlep syrǵanaýshysy Elızabet Tursynbaeva Fınlıandııa eliniń astanasy Helsınkıde ótip jatqan álem chempıonatynda qysqa jáne erkin baǵdarlama qorytyndysy boıynsha 9-oryn aldy.
29 naýryz kúni ótken qysqa baǵdarlamada Elızabet 65.48 upaı jınaǵan bolatyn.
Qysqa baǵdarlamada ol 10-shy oryn alsa, erkin baǵdarlamada 8-shi oryn ıelendi. Qos baǵdarlama qorytyndysy boıynsha 191,99 upaımen 9-oryn aldy.
Álem chempıonatynda reseılik Evgenııa Medvedeva jeńimpaz atandy. Ol qos baǵdarlama boıynsha 233,41 upaı jınady. Kúmis medaldy kanadalyq mánerlep syrǵanaýshy Keıtlın Osmond ıelendi. Ol qos baǵdarlamada 218,13 upaıǵa ıe boldy. Qolany da kanadalyq sportshy Gabrıel Deılman (213.52) jeńip aldy.
Elızabet Tursynbaeva qyzdar arasyndaǵy jekeleı syn boıynsha alǵash ret qysqy Olımpıada oıyndaryna joldama alyp otyr. Osyǵan deıin elimizdiń atynan tórtjyldyqtyń basty dodasyna birde-bir qazaqstandyq mánerlep syrǵanaýshy arý qatyspaǵan.
