Elızabet Tursynbaeva Álem chempıonatynda 11-orynda keledi
ASTANA. QazAqparat - Qazaqstandyq mánerlep syrǵanaýshy Elızabet Tursynbaeva Italııanyń Mılan qalasynda ótip jatqan Álem chempıonatynda qysqa baǵdarlamadaǵy ónerin aıaqtady, dep habarlaıdy QazAqparat QR Ulttyq olımpıada komıtetiniń baspasóz qyzmetine silteme jasap.
Jerlesimiz qysqa baǵdarlamadan 62,38 upaı jınap, 11-orynǵa turaqtady. Bul Elızabetanyń erkin baǵdarlamada óner kórsetýine jol ashty.
Mánerlep syrǵanaýshylardyń kóshin 80,27 upaı jınaǵan ıtalııalyq Karolına Kostner bastap keledi. Ekinshi orynda Phenchhandaǵy qysqy Olımpıada oıyndarynyń jeńimpazy, reseılik Alına Zagıtova tur (79,51). Al úzdik úshtikti Japonııa ókili Satoko Mııahıra (74,36) túıindedi.
Eske sala keteıik, áıelder arasyndaǵy erkin baǵdarlama 23 naýryzda ótedi.
