Elıtalyq jyljymaıtyn múlik eń qymbat qalalar ataldy
ASTANA. 30 qyrkúıek. QazAqparat - Álemde baǵasy qymbat qalalar az emes. Aıtalyq, elıtalyq jyljymaıtyn múlik baǵasy jóninen Máskeý kóshbasshylar qatarynda keledi.
Degenmen, naǵyz «altyn» sharshy metrler Gonkongte ǵana. Munda buryn-sońdy bolmaǵan elıtalyq jyljymaıtyn múlikter baǵasynyń ósýi dáýletti bıznesmenderdiń materıktik Qytaıdan aǵylýy sebebinen dep sanaıdy sarapshylar.
Savills rıeltorlyq kompanııasynyń zertteý málimetteri boıynsha, Gonkongte elıtalyq turǵyn úıdiń ortasha bir sharshymetri 110 925 dollarǵa jýyqtaıdy. Qazirgi kezde bul soma álemdegi eń qymbaty bolyp otyr. Sońǵy jyldary Qytaıda mıllıonerler sany asa shapshań ósýde. Olardyń kópshiligi óz otanynda qymbat úıler satyp alýmen qatar ózderiniń aktıvterin shetelge shyǵarýǵa da asyǵýda. Al jalpy jyljymaly múlik esebimen Tokıo alda keledi. Japonııa astanasy, aıtpaqshy, elıtalyq turǵyn úıler quny reıtıngisinde ekinshi orynda keledi. Onda sáýletti apartamentterdiń sharshy metri ortasha 85 900 dollardy quraıdy. Úshinshi orynda - Beıjiń. Onda bedeldi aýdandaǵy sharshy metr - ortasha 54 140 dollar. Máskeý de elıtalyq úılerdiń ortasha baǵasy boıynsha bestiktiń qataryna kirip otyr.
Sondaı-aq bedeldi úıler baǵasynyń qymbattylyǵy jóninen London, Mýmbaı, Nıý-Iork, Parıj, Sıngapýr jáne Sıdneıdi ataýǵa bolady.
