Elıs Ýells: Qazaqstannyń ıadrolyq qarýdan bas tartýy ózgelerge úlgi boldy
ASTANA. QazAqparat - Qazaqstannyń ıadrolyq qarýdan bas tartýy ózgelerge úlgi boldy. Bul týraly búgin Astanada AQSh Memlekettik hatshysynyń Ońtústik jáne Ortalyq Azııa isteri jónindegi kómekshisiniń birinshi orynbasary Elıs Ýells aıtty, dep habarlaıdy «QazAqparat» HAA tilshisi.
«Qazaqstan men AQSh arasynda prezıdent Barak Obama tusynda jaqsy yntymaqtastyq damydy. QR Prezıdenti Nursultan Nazarbaev eldiń qarqyndy damýyn qamtamasyz etip, onyń óńirdegi jáne álemdegi bedelin arttyra bildi. Ásirese, biz Soltústik Koreıany ıadrolyq qarýdan bas tartýǵa úgittep otyrǵan kezde, Qazaqstan ózgelerge úlgi boldy», - dedi Elıs Ýells Qazaqstan-Amerıka keńeıtilgen strategııalyq seriktestik jónindegi komıssııanyń kezektegi otyrysynyń qorytyndylaryna arnalǵan brıfıngte.
Onyń aıtýynsha, Qazaqstan ıadrolyq qarýsyz-aq kóp nársege qol jetkizip, álemdik arenada qarqyndy damýǵa bolatynyn kórsetti.
«Menińshe, Nursultan Nazarbaevtyń kóshbasshylyǵynyń arqasynda qazaqstandyqtardyń tutas bir býyny «Bolashaq» baǵdarlamasymen shetelde oqý múmkindigine ıe bolyp otyr. Bul Qazaqstan tarıhynyń tolyq bir taraýy», - dedi Elıs Ýells.
Avtory Kamıla Ámirova
