Elirgen jolaýshy ushaqtan sekirip ketti
ASTANA. QazAqparat - AQSh-ta jolserikti tistemek bolǵan áreketi sátsiz aıaqtalǵan jolaýshy ushaqtan sekirip ketti.
Bul oqıǵa 25 mamyrda Soltústik Karolına shtatyndaǵy Sharlott Dýglas halyqaralyq áýejaıynda boldy, dep habarlaıdy Associated Press agenttigi.
American Airlines áýekompanııasynyń 5242 reısi Nıý-Bernge ushýy tıis bolǵan. Laıner áýege kóteriler sátte 22 jastaǵy Tý Lon Seın óz ornynan turyp basty esikti ashpaq bolady. Jolserikter men eki jolaýshy jas jigittiń bul ersi qylyǵyna bóget jasamaqqa árekettengen, biraq ol buǵan jaýap retinde áýekompanııasynyń qyzmetkerin tistemekke umtyldy.
Artynsha esikti ashyp úlgergen ol ushaqtan sekirip ketti.
Atap ótilgendeı, juma kúni jas jigit sot aldynda jaýap berdi. Ol ekıpaj múshelerine shabýyl jasaǵany jáne qorqytqany úshin aıyptaldy.
