«Eline uran bolǵan Er Jánibek» atty halyqaralyq prozalyq shyǵarmalarǵa arnalǵan baıqaýdyń nátıjesi shyqty

ASTANA. QazAqparat - «Eline uran bolǵan Er Jánibek» atty halyqaralyq prozalyq shyǵarmalarǵa arnalǵan baıqaýdyń nátıjesi shyqty. Baıqaýǵa túsken shyǵarmalardyń ishinen 12 shyǵarma iriktelip alyndy, dep habarlady «Er Jánibek» halyqaralyq qoǵamdyq qorynan.

Qazylar alqasynyń sheshimimen Bas júldeni Qanat Ábilqaıyr «Qarǵa tamyr» áńgimesimen jeńip alsa, Murat Almasbekuly - «Úsh beıit» shyǵarmasymen birinshi oryndy ıelendi. Ekinshi oryndy: Ulan Bapaı («Altaıdan bıik asqar bar») men Meıirjan Áýelhanuly «Arystan kól» áńgimesimen jeńip aldy. Úshinshi oryndy úsh adam bólisti. Olar: Aıgerim Amalbekova - «Eline uran bolǵan Er Jánibek»(áńgime); Baqytbek Qadyruly - «Keri tús»(áńgime); Sarqytqan Qaster - «Er Jánibek kózindeı eski sandyq»(esse). «Er Jánibek» halyqaralyq qoǵamdyq qory uıymdastyryp otyrǵan prozalyq shyǵarmalar báıgesiniń qazylar alqasynda qazaqtyń belgili jazýshylary men aqyndary, memleket qaıratkerleri bar.