Elına Paýlı QR AQDM «Qoǵamdyq kelisim» mekemesiniń dırektory bolyp taǵaıyndaldy

ASTANA. QazAqparat - Búgin QR Aqparat jáne qoǵamdyq damý mınıstri Darhan Qydyráli «Qoǵamdyq kelisim» ujymyna dırektor Elına Paýlıdi tanystyrdy, dep habarlaıdy QazAqparat mınıstrliktiń baspasóz qyzmetine silteme jasap.

Baspasóz qyzmetiniń habarlaýynsha, E.Paýlı 2021 jyly prezıdenttik Jastar kadrlyq rezervine qabyldandy. Sondaı-aq ol Qazaqstan halqy Assambleıasynyń jáne QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi.

Ár jyldary Elına Paýlı QR AQDM qoǵamdyq jańǵyrtý departamenti, Jastar jáne otbasy isteri komıtetinde qyzmet etti.

Foto: t.me/aqparatqogam

Sonymen qatar ol «Jastar» ǵylymı-zertteý ortalyǵy» JShS dırektorynyń orynbasary boldy, 2022 jyldan bastap QR Oqý-aǵartý mınıstrligi Balalardyń quqyqtaryn qorǵaý komıteti tóraǵasynyń orynbasary qyzmetterin atqardy.

Aıta keteıik, «Qoǵamdyq kelisim» RMM-etnosaralyq qatynastar salasyndaǵy memlekettik saıasatty; etnomádenı jáne basqa da qoǵamdyq birlestiktermen qoǵamdyq kelisim men jalpyulttyq birlikti nyǵaıtý boıynsha ózara is-áreketti júzege asyrady.

Basty foto: gov.kz