Elimniń órkendeýi úshin tańdaý jasadym - kópbalaly ana J.Jarmuhamedova
ALMATY. QazAqparat - Elimniń órkendeýi úshin tańdaý jasadym. Almatydaǵy №412 ýchaskeniń saılaýshysy Jarmuhamedova Jumagúl osyndaı oıymen bólisti.
Kóp balaly ana búgingi saılaýdyń el taǵdyrynda sheshýshi ról atqaratyn úlken saıası-ekonomıkalyq reformalarǵa áseri moldyǵyn jetkizdi.
«Biz ózimizdiń tańdaǵan úmitkerlerge daýys berdik. Bul - Almaty qalasynyń áleýmettik máselelerin sheshýde jaqsy oı jetkizgen, jaqsy bastama kótergen azamat. Endi balalarymyzdyń bárin úgittep jatyrmyz, saılaýǵa kelińder dep. Jumystan qoly bosaǵan soń olar mindetti túrde keledi», - dedi Jarmuhamedova Jumagúl.
Aıta ketý kerek, atalǵan saılaý ýchaskesinde daýys berýshilerdiń qatysý belsendiligi óte joǵary.
Saılaý ýchaskesiniń tóraǵasy Qazybaev Talǵattyń aıtýynsha, tańǵy 7-den 12:30 ǵa deıin barlyǵy 2591 saılaýshynyń 632-si óz tańdaýyn jasap ketken.
Olardyń ishinde jastar da, zeınetkerler de bar.
18 jastaǵy Indıra Temirhanqyzy búgingi saılaý protsesine úlken jaýapkershilikpen qatysyp otyrǵanyn jetkizdi.
«Men kámeletke tolǵan azamat retinde óz azamattyq pozıtsııamdy bildirgim keldi. Álbette, bizdiń tańdaýymyz kóp nárseni sheshedi», - dedi I.Temirhanqyzy.
Aıta ketý kerek, Almaty qalasynda barlyǵy 532 saılaý ýchaskesi jumys isteýde. Ýchaskelerdiń ashylýy sátinde 1 mln 36 myń 637 saılaýshy tirkelgen. Almatydaǵy saılaýdyń ótý barysyn 70 halyqaralyq baqylaýshy qadaǵalap otyr.
