Elimizge jerdiń drenajdyq júıesin damytýǵa 1 trln. teńge qajet - A.Mamytbekov
Eske salaıyq, Májiliste «Qazaqstan Respýblıkasy men Halyqaralyq Qaıta Qurý jáne Damý banki arasyndaǵy Qaryz týraly kelisimdi (Irrıgratsııalyq jáne drenajdyq júıelerdi jetildirý jónindegi jobanyń ekinshi fazasy) ratıfıkatsııalaý týraly» zań jobasy maquldandy. Kelisimge sáıkes, Halyqaralyq Qaıta Qurý jáne Damý banki Qazaqstanǵa Irrıgatsııalyq jáne drenajdyq júıelerdi jetildirý jónindegi jobanyń ekinshi kezeńin qarjylandyrýǵa 102,9 mln. dollar somasynda qaryz beredi.
«Bizdiń esebimiz boıynsha bul salaǵa qosymsha 1 trıllıon teńgege jýyq ınvestıtsııa qajet. 1991 jylǵy esepke sáıkes, Keńes Odaǵynyń ýaqytynda Qazaqstanda 2,1 mıllıon gektar sýarmaly jerler bar bolatyn. Al qazirgi ýaqytta bizde sýarmaly bolyp sanalatyn jerdiń aýmaǵy 1,5 mln. gektardy quraıdy, sonyń ózinde jarty mıllıonǵa jýyq jerler tek qaǵaz júzinde sýarmaly bolyp otyr. Óıtkeni ol jerlerdiń arnalary, drenajdyq júıeleri isten shyqqan», - dedi mınıstri A.Mamytbekov.
Onyń aıtýynsha, osyndaı problemanyń saldarynan fermerler toza bastaǵan jerlerge negizinen kúı talǵamaıtyn daqyldardy seýip keledi. Óıtkeni, ondaı jerlerge sýdyń kerek ýaqytynda kelip turýyna kepil joq.
«Jyl saıyn respýblıkalyq bıýdjetten bólinetin qarajat 30-35 mlrd. teńgeni quraıdy. Eger biz osylaısha bir trıllıonnyń ornyna 30-35 mlrd. teńge bólip máseleni sheshemiz desek, qatty qatelesemiz, ondaı bolsa atalǵan jerlerdi 30 jyldyń ishinde de jetildire almaımyz. Óıtkeni bir jerdi istesek, ekinshisi qaıta aınalyp isten shyǵady. Al bunyń eki joly bar, onyń biri - respýblıkalyq bıýdjetten qarjyny ulǵaıtý, degenmen qazirgi jaǵdaıda bul múmkin emes. Ekinshi joly - basqa qarjy kózderinen qarjylandyrý múmkindigin qarastyrý. Qazirgi ýaqytta sýdyń tarıfi óte tómen. Bul da máselege keri áser etedi», - dedi Aýyl sharýashylyǵy mınıstri.
Eske sala keteıik, Halyqaralyq Qaıta Qurý jáne Damý bankimen birlesken joba boıynsha 113 myń gektar aýmaqty qamtıtyn jerlerdiń drenajdyq júıesi qalpyna keltiredi. Munyń ishinde Almaty oblysynda - 12,5 myń gektar, Jambyl oblysynda - 15 myń gektar, Ońtústik Qazaqstan oblysynda - 70,4 myń gektar, Qyzylorda oblysynda - 15,5 myń gektar jer aýmaqtary qamtylady.