Elimizge UQShU-nyń qansha áskeri men tehnıkasy keldi
«Búgingi tańda Ujymdyq qaýipsizdik keńesiniń sheshimine sáıkes Qazaqstan Respýblıkasynda Ujymdyq qaýipsizdik týraly shart uıymynyń ujymyq bitimgershilik kúshteriniń 2 030 adamy men 250 tehnıkasy ornalasyp, júktelgen mindetterdi oryndaýǵa kirisip ketti», - dedi Memleket basshysy UQShU Ujymdyq qaýipsizdik keńesiniń kezekten tys sessııasynda.
QR Prezıdenti ujymdyq bitimgershilik kúshteri qandaı mindetter atqaratynyn da atap ótti.
«Olar áýejaılardy, áskerı qoımalardy jáne ózge de strategııalyq nysandardy qorǵaý jáne qaýipsizdigin qamtamasyz etý qyzmetin júzegi asyrady», - dedi Qasym-Jomart Toqaev.
Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótip jatyr. Jıyn Qazaqstan tarapynyń bastamasymen shaqyryldy.
Eske salaıyq , QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.
