Elimizge tanymal dáriger-ýrologtar ońtústiktegi er azamattardyń densaýlyǵyn tekserip jatyr

Tájirıbeli mamandar  Shymkenttegi dárigerlerge  sheberlik synyptaryn ótkizip, biliktiligin kóterýde, dep habarlaıdy QazAqparat HAA tilshisi.

ońt  Bilgenimen bólisken aq halattylar qazirgi tańda erler arasynda prostatıt, jynys beziniń zararsyz gıperplazııasy, erektıldik dısfýnktsııaǵa júrek-qan tamyrlar júıesiniń aýrýlary kóp kezdesedi deıdi. Ókinishke qaraı, otbasyn qurǵan árbir besinshi er azamat belsizdikke ushyraıdy eken. Áıelderge qaraǵanda,  er azamattar  dárigerge  3 ese  sırek   qaralady,  osyǵan baılanysty  aýrýdyń erte satysynda  qaralmaı, asqyndyryp jatady.  Názik jandylarmen  salystyrǵanda  erkekter 3 ese  joǵary  júrek ıshemııalyq aýrýyna ushyraıdy jáne 6 ese  joǵary  qan dıabetimen aýyrady. Sońǵy 5 jylda erkek bezi obyrynyń nátıjesindegi ólim-jitim kórsetkishi sút bezi obyry ólim-jitim kórsetkishimen salystyrǵanda eki esege artyp ketken. 

Shymkent qalasyna arnaıy kelgen elimizdiń bas ýrology, medıtsına ǵylymdarynyń doktory,  professor, «Jarbosynov atyndaǵy Ýrologııa ǵylymı ortalyǵy» AQ bas dırektory M. Alshynbav, Qazaqstannyń Profılaktıkalyq medıtsına akademııasynyń akademıgi M.Zeltser,  Kardıologııa jáne ishki aýrlar Ǵylymı zertteý ınstıtýtynyń  dırektory, professor S.Berkinbaev,  Salaýatty ómir saltyn qalyptastyrý máseleleri jónindegi ulttyq ortalyq dırektory J.Battaqova búgin Ońtústik Qazaqstan oblysynyń ákimi Janseıit Túımebaevpen kezdesti.   Bilikti dárigerler ońtústikke er azamattardyń densaýlyǵynyń qazirgi jaǵdaıyn bilý úshin kelgenin atap ótti.

   «Búginde halyq  densaýlyǵy medıtsınalyq problema sheńberinen shyǵyp, memleket pen jeke tulǵanyń yqpal etýin talap etip otyrǵan áleýmettik máselege aınaldy.  Túrli aýrýlardyń beleń alýyna jergilikti aq halattylar da beı-jaı qarap otyrǵan joq. Degenmen ózderińizdeı bilikti mamandarmen tájirıbe almasyp sheberlikterin shyńdap jatqanyǵy qýantarlyq jaıt»,-dedi oblys ákimi Janseıit Qanseıituly .

        Sondaı-aq kezdesýde Almaty qalasynan kelgen professorlar jergilikti mamandarmen birigip jaǵdaıy aýyr birneshe naýqasqa jańa tehnologııanyń kómegimen sátti ota jasaǵandyqtaryn  baıandady. Tanymal dárigerler oblystyq klınıkalyq  aýrýhana mamandarynyń biliktiligin joǵary baǵalady.