Elimizge sheteldik jumys kúshin tartýǵa beriletin ruqsattar aqyly bolýy múmkin
ASTANA. QazAqparat - Qazaqstanǵa sheteldik jumys kúshin tartýǵa beriletin ruqsattar aqyly bolýy múmkin. Bul týraly búgin Májiliste «QR keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda málim boldy.
Densaýlyq saqtaý jáne áleýmettik damý vıtse-mınıstri Dáýlet Arǵyndyqovtyń aıtýynsha, jańa zań jobasymen sheteldik jumys kúshin tartý boıynsha ádistemelerdi jetildirý úshin 4 baǵyt usynylyp otyr. Bul rette eń aldymen ózdiginen jumysqa ornalasý úshin sheteldik jumys kúshiniń kelý tártibi jetildiriledi. Olar úshin ekonomıkanyń basym baǵyttarynyń tizbesi aıqyndalady. Sonymen qatar, sheteldik jumys kúshi kvotadan tys, ruqsatsyz, mamandyqqa laıyqtylyǵy týraly anyqtama boıynsha, sondaı-aq Úkimetpen aıqyndalǵan qajetti mamandyqtar tizimi boıynsha kele alady.
«Ekinshiden, jumys berýshiler tarapynan sheteldik jumys kúshin tartý tártibi jetildiriledi. Qazirgi jaǵdaıǵa kelsek, bunda jalpylama kvota usynylatyn edi. Biz buny sala-sala boıynsha basymdyqtarǵa oraı saralandyrýdy usynamyz. Osyǵan oraı, sheteldik jumys kúshin tartýda aqyly ruqsattar engizý de usynylady. Bul óz kezeginde memleketke tólenetin ótemaqy retinde qaralady. Sonymen bir mezgilde ruqsattar berýdiń ashyqtyǵyn qamtamasyz etý maqsatynda ony Halyqqa qyzmet kórsetý ortalyqtarynan júzege asyrý kózdeledi», - dedi Dáýlet Arǵyndyqov.
Vıtse-mınıstrdiń aıtýynsha, ruqsattar stavkasy negizinen jumysshylardyń biliktiligine, salanyń basymdyqty túrde aıqyndalýyna qatysty belgilenýi múmkin. ıAǵnı, sala basym retinde aıqyndalsa, oǵan tartylatyn jumysshynyń biliktiligi de joǵary bolýy tıis, óz kezeginde oǵan bólinetin ruqsattar tólemi de tómendeıdi. «Bul ekonomıkalyq tetiktiń bir túri. Óıtkeni, jumys berýshi úshin ruqsat alý aqysy joǵary bolǵan saıyn, ol jergilikti naryqtan kadr izdep, ony daıarlaýǵa ózderi de múddeli bolýy kerek», - dedi vıtse-mınıstr.
