Elimizge sheteldik ınvestıtsııalardy tartý úshin úkimetaralyq komıssııalardyń jumysyn belsendirý kerek - Á. Isekeshev
ASTANA. Qyrkúıektiń 13-i. QazAqparat /Ernur Aqanbaı/ - Elimizge sheteldik ınvestıtsııalardy tartý úshin úkimetaralyq komıssııalardyń jáne Qazaqstannyń shetelderdegi dıplomatııalyq ókildikteriniń jumysyn belsendirý kerek. Bul týraly búgin selektorlyq formattaǵy Úkimet otyrysynda Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshev aıtty.
«Úkimetaralyq komıssııanyń árbir jetekshilerine, elshilerge, sondaı-aq mınıstrlerge, ákimderge, ulttyq holdıngter men kompanııalardyń basshylaryna naqty somadaǵy sheteldik ınvestıtsııalardy tartýdaǵy maqsatty kórsetkishterdi anyqtaýdy usynamyz. ıAǵnı, bulardyń árqaısysy salaǵa, óńirge jáne ózderiniń jobalaryn iske asyrýǵa qansha qarjy tartý kerektigin belgileýleri kerek», dedi Á. Isekeshev.
Sonymen qatar, Á. Isekeshev árbir oblystyq ákimdiktegi sheteldik ınvestorlarmen jumys jónindegi qurylymdyq bólimderdi kúsheıtýdi usyndy. Bular is júzinde óńirlik keńseler retinde jumys isteıtin bolady.
