Elimizge shetelden kelgen jolaýshylar úshin qatań shekteýler engiziledi – Baǵdat Qojahmetov

NUR-SULTAN. QazAqparat - Koronavırýstyń taralý qaýpin toqtatý úshin Qazaqstanǵa shetelden kelgen jolaýshylar úshin qatań shekteýler engiziledi. Ortalyq kommýnıkatsııalar ortalyǵynda ótken onlaın brıfıngide QR Densaýlyq saqtaý mınıstrliginiń resmı ókili Baǵdat Qojahmetov osylaı málim etti , dep habarlaıdy QazAqparat tilshisi.

«Ótken aptada qabyldanǵan sheshim boıynsha, elge kez kelgen kólikpen (ushaq, poıyz) kelgen jolaýshynyń dene qyzýy bolsa, dereý statsıonarlyq ızolıatorǵa ornalastyrylady. Ol jerde dene qyzýy ne úshin kóterilip turǵanyn, qandaı aýrýmen aýyratynyn anyqtaıdy. Qazaqstanǵa kelgen sheteldik jáne qazaqstandyq azamattardyń uıaly telefon nómiri tirkeledi», - deıdi QR Densaýlyq saqtaý mınıstrliginiń resmı ókili Baǵdat Qojahmetov.

Onyń aıtýynsha, bir kólikpen kelgen azamattardyń bireýinen 14 kún ishinde koronavırýs derti anyqtalsa – ol adammen birge kelgen barlyq jolaýshy, onymen baılanysta bolǵan barlyq adam anyqtalyp, tıisti sharalar qoldanylady.