Elimizge shet elderden 3,2 myń avıajolaýshy keldi
NUR-SULTAN. QazAqparat – Elimizge shet elderden 25 halyqaralyq áýe reısi keldi, dep habarlaıdy QazAqparat Sanıtarııalyq - epıdemıologııalyq baqylaý komıtetine silteme jasap.
20 sáýirde Qazaqstan Respýblıkasynyń aýmaǵyna Germanııa, Koreıa, Maldıv Respýblıkasy, Shrı-Lanka, BAÁ, Egıpet, Túrkııa, Latvııa, Ýkraına, Belarýs Respýblıkasy, Reseı Federatsııasy, Ózbekstan jáne Qyrǵyzstannan 25 halyqaralyq áýe reısi keldi.
Ótken táýlikte 3 211 avıajolaýshy keldi. Onyń ishinde:
Almaty qalasynyń áýejaıyna – 13 reıs, 1 852 jolaýshy;
Nur-Sultan qalasynyń áýejaıyna – 6 reıs, 658 jolaýshy;
Shymkent qalasynyń áýejaıyna – 3 reıs, 390 jolaýshy;
Aqtaý qalasynyń áýejaıyna – 1 reıs, 147 jolaýshy;
Qaraǵandy qalasynyń áýejaıyna – 1 reıs, 27 jolaýshy;
Oral qalasynyń áýejaıyna – 1 reıs, 137 jolaýshy kelgen.
Barlyq jolaýshylar COVID-19-ǵa PTR testileýdiń teris nátıjesi bar anyqtamamen kelgen.
QR Bas memlekettik sanıtarııalyq dárigeriniń 12 sáýirdegi №13 qaýlysyna sáıkes, avıakompanııalar Qazaqstan Respýblıkasynyń Memlekettik shekarasyn kesip ótken sátte berilgenine 3 táýlikten aspaǵan PTR ádisimen COVID-19-ǵa testileýden ótkeni týraly anyqtamany usynbaǵan jolaýshyny áýe kemesiniń bortyna otyrǵyzbaýy tıis.
