Elimizge rýli oń jaqtaǵy kólikterdi ákelýge tyıym salynady

ASTANA. QazAqparat – Qazaqstan aýmaǵyna rýli oń jaqta ornalasqan jeńil kólikterdi ákelýge shekteý qoıylady, dep habarlaıdy QazAqparat tilshisi.

«Qazaqstan Respýblıkasynyń aýmaǵyna oń jaqta ornalasqan rýldik basqarylatyn jeńil avtomobılderdi ákelýge alty aı merzimge tyıym salý engizilsin», - delingen Ashyq NQA portalynda jarııalanǵan Indýstrııa jáne ınfraqurylymdyq damý mınıstriniń buıryq-jobasynda.

Osy shekteýdiń oryndalýyn baqylaý Qarjy mınıstrliginiń Memlekettik kirister komıteti men Ulttyq qaýipsizdik komıtetiniń Shekara qyzmetine júkteledi.

Qujat 13 qyrkúıekke deıin kópshilik talqylaýda bolady.

Eske salaıyq, byltyr Ákimshilik polıtsııa komıteti tóraǵasynyń mindetin atqarýshy Qaısar Sultanbaev shetelde tirkelgen oń jaq rýldi avtokólikterdi Qazaqstanda birjolǵy zańdastyrýǵa ruqsat beriletinin aıtyp edi.

Qosa ketsek, mamyr aıynan konstrýktor-kólikterdi zańdastyrý bastalǵan edi.