Elimizge Reseıdiń Prımore ólkesinen et, sút ónimin kirgizýge tyıym salyndy

ASTANA. QazAqparat - Elimizge Reseı Federatsııasynyń Prımore ólkesinen et, sút tasymaldaýǵa ýaqytsha shekteýler engizildi, dep habarlaıdy QazAqparat QR AShM baspasóz qyzmetine silteme jasap.

«QR Aýyl sharýashylyǵy mınıstrligi Halyqaralyq epızootııalyq bıýrosynyń resmı notıfıkatsııasy negizinde 2019 jylǵy 14 qańtardan bastap Qazaqstan Respýblıkasyna Reseı Federatsııasynyń Prımore ólkesi aýmaǵynan aýsylǵa beıim janýarlardy, sıyr etin, shoshqa etin, qoı etin, sút jáne sút ónimderin, jylýlyq óndeýden ótken daıyn ónimderdi qosqanda, beıim janýarlar soıýdan alynǵan taǵamǵa qoldanylmaıtyn shıkizattar men buıymdaryn, aýsylǵa beıim maldardy ustaýǵa, soıýǵa jáne óńdeýge qoldanylǵan jabdyqtaryn, janýarlarǵa arnalǵan azyqtar men azyqtyq qospalaryn kirgizýine ýaqytsha shekteýler engizedi», - delingen habarlamada.