Elimizge olımpıada altynyn alyp beretin ulymnyń bolǵanyn armandaımyn - Ilıa Ilın
ASTANA. QazAqparat - Álemniń tórt dúrkin chempıony, eki márte olımpıada jeńimpazy Ilıa Ilın búgin Ortalyq kommýnıkatsııalar qyzmetinde ótken brıfıngte óziniń januıasy jaıynda oı bólisti.
Onyń aıtýynsha, Qazaqstanǵa olımpıada altynyn jeńip alatyn uldyń týǵanyn qalaıdy.
"Meniń kishkentaı qyzym ósip keledi. Ol men aınalysatyn isti jaqsy kóredi, biraq anasy sekildi gandbolǵa baryp júr. Eger ulym bolsa, sportqa beretinim anyq. Sport - adamzattyń ajyramas bóligi. Biz balalarymyzdy sportqa beıimdeýimiz kerek, oǵan ózimiz de talpynǵanymyz jón. Men bolashaqta balam olımpıada chempıony bolǵanyn armandaımyn", - dedi I.Iın.
Sonymen qatar chempıonnyń atap kórsetkenindeı, ol óz balalaryn tek ózi tańdaǵan sportqa bermek. "Sóz joq, sportqa beretinim - 100 paıyz. Biraq ol aýyr atletıka bolady dep aıta almaımyn, ózderi tańdaý jasaıdy", - dedi ol.
