Elimizge qarsy terrorıstik soǵys ashyldy – Qasym-Jomart Toqaev
«...Osy aralyqta halyqtyń avtogaz baǵasynyń qymbattaýyna narazylyǵy qural retinde qoldanylyp ketti. Odan keıingi oqıǵalar spıral sekildi jalǵasty. Birinshi oramda – birqatar óńirde, dálirek aıtqanda Jańaózende mıtıngter ótti. Ekinshi oramda – bandıtter men maroderler qosyldy. Ári qaraı qarýly terrorısterdiń, onyń ishinde sheteldik sodyrlardyń qatysýymen qyzý kezeńi bastaldy. Osydan keıin olardyń negizgi maqsaty belgili boldy – memlekettik basqarý ınstıtýttaryn taratý, konstıtýtsııalyq qurylymdy buzý jáne túptiń túbinde bılikti basyp alý», - dedi Qasym-Jomart Toqaev.
«Ár nárseni óz atymen atar bolsaq, buǵan deıin UQShU sammıtinde aıtqanymdaı, bizdiń elge qarsy terrorıstik soǵys ashyldy. Jaý asqan qatygezdik pen kez kelgen qadamǵa barýǵa daıyn ekenin kórsetti. Olar tipti halyq arasynda qarsy shyǵý týraly oıdy basý úshin qorqynysh uıalatqan», - dedi Prezıdent.
