Elimizge qansha HQO qajet bolatyny saralanyp jatyr - A. Jumaǵalıev
ANA. 26 mamyr. QazAqparat /Qanat Mámetqazyuly/ - Elimizge qansha Halyqqa qyzmet kórsetý ortalyqtary qajet bolatyny zerttelip jatyr.
Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine halyqqa qyzmet kórsetý ortalyqtarynyń máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Baılanys jáne aqparat mınıstri Asqar Jumaǵalıev osylaı málim etti.
«Búgingi kúni jalpy respýblıka boıynsha 337 HQO jumys isteýde. Degenmen, halyqqa qyzmet kórsetý jurtshylyqty qanshalyqty qamtıtyny týraly máseleniń standarttary saralanyp jatyr. Bundaı standarttaý jumystary ótken soń, elge qajetti HQO sandary anyqtalady», - dedi Baılanys jáne aqparat mınıstri A. Jumaǵalıev.
Onyń aıtýynsha, búgingi kúni Úkimet tarapynan qurylǵan komıssııa HQO-ǵa berilgen árbir qyzmet túrlerin de saraptaıtyn bolady. Bunda negizinen qyzmet kórsetý úderisiniń qanshalyqty ashyqtyǵy, qujattardyń jyldam berilýi zerttelýde. «Baılanys jáne aqparat mınıstrligine HQO-lardy berýdegi ózindik mıssııasy bar. Máselen, HQO-dan byltyrǵy jyly 7 mln. 200 qujat alý úshin azamattar 70 mln. anyqtama ótkizgen eken. ıAǵnı, bul memlekettik organdar tarapynan talap etiletin qujattar. Endigi kúni biz osy qujattardy qysqartý úshin komıssııa qurdyq, árbir qyzmet zerdelenip, basy artyq anyqtamalar qysqartylady. Al qalǵan anyqtamalardy málimetter bazasynan qaraýǵa jaǵdaı jasaıtyn bolamyz. Buǵan shama jetedi. Sonda ǵana bul úderister ashyq bola túsedi», - dedi mınıstr.
Esterińizge sala keteıik, zań jobasynyń negizgi maqsaty halyqqa qyzmet kórsetý ortalyqtarynyń qyzmetin uıymdastyrý jónindegi fýnktsııalardy jergilikti atqarýshy organdardyń quzyretinen alyp Baılanys jáne aqparat mınıstrligine berý bolyp tabylady.
