Elimizge halyqaralyq avıareıstermen PTR anyqtamasyz 38 jolaýshy keldi

NUR-SULTAN. QazAqparat – Bir kúnde halyqaralyq avıareıstermen shetelden PTR anyqtamasyz 38 Qazaqstan azamaty keldi, dep habarlaıdy QazAqparat Sanıtarııalyq - epıdemıologııalyq baqylaý komıtetine silteme jasap.

28 naýryzda halyqaralyq avıareıstermen Qazaqstan Respýblıkasynyń aýmaǵyna BAÁ, Mysyr, Maldıv Respýblıkasy, Shrı-Lanka, Túrkııa, Germanııa, Ýkraına, Reseı Federatsııasy, Ózbekstan, Tájikstan jáne Qyrǵyzstannan 42 halyqaralyq áýe reısi keldi.

5 389 áýe jolaýshysynyń ishinde PTR testileýdiń teris nátıjesi bar anyqtamamen 5 351 adam, anyqtamasyz 38 QR azamattary keldi.
Onyń ishinde:
Almaty qalasynyń áýejaıyna – 23 reıs, 2 988 jolaýshy, anyqtamamen – 2 970, anyqtamasyz – 18;
Nur-Sultan qalasynyń áýejaıyna – 10 reıs, 1 419 jolaýshy, anyqtamamen - 1 406; anyqtamasyz - 13;
Shymkent qalasynyń áýejaıyna – 7 reıs, barlyq 836 jolaýshy anyqtamamen kelgen;
Óskemen qalasynyń áýejaıyna – 1 reıs, barlyq 19 jolaýshy anyqtamamen kelgen;
Túrkistan qalasynyń áýejaıyna – 1 reıs, 127 jolaýshy, anyqtamamen - 120; anyqtamasyz - 7.
Anyqtamasyz kelgen Qazaqstan azamattary kelgen jerinde COVID-19-ǵa PTR taldaý ádisimen test tapsyrady, onyń nátıjesi shyqqansha karantın statsıonarynda kútedi.
27 naýryzda shetelden Anyqtamasyz kelgen 27 QR azamatynyń PTR-taldaýlary teris nátıje kórsetti.