Elimizdiń JOO-lary álemdik jetekshi ýnıversıtetter reıtıngine kirýge umtylýy kerek - Májilis depýtaty
ASTANA. 10 jeltoqsan. QazAqparat /Marlan Jıembaı/ - Elimizdiń JOO-lary álemdik jetekshi ýnıversıtetter reıtıngine kirýge umtylýy kerek.
Bul pikirdi búgin QR Parlamenti qabyrǵasynda «Adam kapıtalynyń básekege qabilettiligi men onyń zańnamamen qamtamasyz etilýi» taqyrybynda ótken ǵylymı-tájirıbelik konferentsııa barysynda Májilis depýtaty Dınara Nóketaeva bildirdi.
«Elimizdegi joǵary bilim sapasy eń joǵary halyqaralyq talaptarǵa jaýap berýi kerek. Sonymen qatar JOO-lar álemdik jetekshi ýnıversıtetter reıtıngine kirýge umtylýy qajet. Osyǵan oraı qazirgi ýaqytta sátti jumys istep jatqan «Nazarbaev Ýnıversıteti», «Nazarbaev ıntellektýaldyq mektebi», «Nazarbaev qory» syndy Astanada qurylǵan biregeı oqý oryndarynyń jobalary bilim berý salasynda erekshe basymdyqqa ıe bolady. Qazirgi ýaqytta atalǵan oqý oryndarynyń mártebesi týraly zań jobasy Májiliste belsendi túrde talqylanýda»,- dedi ol.
Májilis depýtatynyń atap ótýinshe, «Nazarbaev Ýnıversıteti» tujyrymdamasy aldyńǵy qatarly álemdik joǵary mektep tájirıbesi negizinde ázirlengen. Sondaı-aq ıntellektýaldyq mektepter jergilikti kóshbasshylar daıyndaıtyn ári qazaq, orys, aǵylshyn tilderin jetik meńgergen, álemniń úzdik ýnıversıtetterinde bilim alýǵa daıyn talapkerlerdi ázirleıtin biregeı bilim oshaqtaryna aınalmaq.
