Elimizdiń JOO-lary akkredıtatsııalyq agenttikter tarabynan óz qyzmetine obektıvti baǵa alýǵa múddeli - M.Orynhanov
ASTANA. 31 mamyr. QazAqparat - Qazaqstannyń joǵary oqý oryndary akkredıtatsııalyq agenttikter tarabynan óz qyzmeti úshin obektıvti baǵa alýǵa múddeli.
Bul pikirdi búgin elordada ótken Respýblıkalyq akkredıtteý keńesiniń birinshi otyrysynda QR Bilim jáne ǵylym vıtse-mınıstri Murat Orynhanov bildirdi.
«Biz búgin bilim berý salasyndaǵy mańyzdy oqıǵaǵa kýá boldyq. Joǵary oqý oryndardy táýelsiz akkredıtatsııalaý júıesinde alǵashqy qadam jasaldy. Osydan keıin tek qana ulttyq emes, sonymen qatar halyqaralyq zańnama talaptaryna saı keletin akkredıtatsııalyq agenttikter qazaqstandyq joǵary bilim berýdiń sapasyn qamtamasyz etýge zor úles qosatyn bolady», - dedi ol.
Osy oraıda vıtse-mınıstr Joǵary bilimniń sapasyn qamtamasyz etý jónindegi eýropalyq tizilim agenttiginiń Qazaqstan aýmaǵyndaǵy qyzmet aıasynyń jáne quramynyń keńeıýi mańyzdy bolyp tabylatyndyǵyn basa aıtty.
«Qazaqstandyq JOO-lar tanymal akkredıtatsııalyq agenttikter tarabynan óz qyzmetterine obektıvti baǵa alýǵa múúdelilik tanytady dep oılaımyn», - dedi M.Orynhanov.
