Elimizdiń JOO-lary 2010-2011 oqý jyldaryna talapkerlerdi qabyldaý jumystaryn bastap ketti

dep habarlaıdy QazAqparat.

Qujattardy tapsyrý merzimi 23 shilde men 31 tamyz aralyǵynda jalǵaspaq.

Osy oraıda Ál-Farabı atyndaǵy Qazaq ulttyq ýnıversıtetinde oqýǵa nıet bildirgen talapkerler sanynyń kóptigi baıqalady.

«Men QazUÝ-dy esh kidirmesten tańdadym, sebebi bala kúnimnen QazUÝ-da oqýdy armandadym. Ásirese meni ýnıversıtettiń qazynaly tarıhy, eń úlken stýdenttik qalashyǵy qyzyqtyrady. Ýnıversıtettiń ınfraqurylymdary da oqý úderisinde ózindik oń septigin tıgizedi dep oılaımyn. Qujattardy qabyldaý naýqany shilde aıynyń sońyna deıin ótetindigine qaramastan, meniń QazUÝ stýdenti atanǵym kelgeni sonshalyqty, memlekettik baıqaýǵa qujattarymdy búgin-aq ótkizip úlgerdim», deıdi qujat tapsyrýshy Dınara Júnisova.

Atalmysh ýnıversıtet ótken jyly oqýǵa 2586 memlekettik bilim granty ıegerlerin qabyldap, joǵary nátıjelerge qol jetkizgen. Bıyl da 14 fakýltet boıynsha talapkerlerdi qabyldaýda.