Elimizdiń JOO-da oqyp jatqan stýdentter sany 629 507 adamdy quraıdy
ASTANA. 21 qańtar. QazAqparat /Qanat Mámetqazyuly/ - 2011/2012 oqý jylynyń basyna Qazaqstan Respýblıkasynda 146 joǵary oqý orny jumys istedi.
Ondaǵy stýdentterdiń jalpy sany 629 507 adamdy quraıdy. Bul týraly QR Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, elimizdegi JOO-nyń jalpy sanynan 53-i memlekettik bolyp tabylady, olarda 311 333 adam oqıdy nemese barlyq JOO túrlerinde oqıtyndardyń 49,5 paıyzyn quraıdy. Stýdentterdiń jalpy sanynan qyzdar 58,2 paıyzy, jigitter 41,8 paıyzdy quraıdy. Al memlekettik bilim granttarynyń esebinen bilim alatyndar 134 036 adam, nemese stýdentterdiń jalpy sanynan 21,3 paıyzyn quraıdy, memlekettik bilim tapsyrysynyń esebinen 11 181 adam nemese 1,8 paıyz, al aqyly negizde - 484 290 adam nemese 76,9 paıyzy bilim alady. Stýdentterdiń jalpy sanynan 360 894 adam nemese 57,3 paıyzy oqytýdyń kúndizgi túri boıynsha oqysa, 259 531 adam nemese 41,2 paıyzy - syrttaı, 9 082 nemese 1,4 paıyzy - keshki túri boıynsha oqıdy. Memlekettik tilde oqıtyn stýdentterdiń sany 342 593 adamdy quraıdy. JOO-da oqytý qazaq tilinde oqytýmen qatar orys, aǵylshyn, arab jáne nemis tilderinde júrgiziledi.
2011/2012 oqý jylynyń basyna respýblıkanyń JOO-da 85-ten astam ult ókilderi oqydy. Oqıtyn qazaqtardyń úles salmaǵy 78,3 paıyz, orystardyń - 14,6 paıyz, ózbekter, ýkraındar, tatarlardyń 0,8-1,5 paıyz sheginde, ózge ulttar - 3,8 paıyzdy qurady.
Qaralyp otyrǵan oqý jylynda oqytýǵa jáne daıyndaýǵa 197 228 stýdent qabyldandy, bul 2010/2011 oqý jylyna qaraǵanda 4 329 adamǵa nemese 2,2 paıyzǵa artyq. 2012/2011 oqý jyly bitirip shyqqan bilikti mamandar 160 934 adamdy qurady bul 2010/2011 oqý jylymen (161 964 adam) salystyrǵanda 0,6 paıyzǵa kem.
Budan bólek, bakalavrlardyń sany 597 040 adamdy, joǵary arnaıy bilim alyp jatqandardyń sany 31 494 adamdy quraıdy.
Respýblıkanyń JOO-da oqıtyn stýdentterdiń jalpy sanynda edáýir úles salmaq kelesi mamandyqtarǵa tıesili: áleýmettik ǵylymdar jáne bıznes - 24,7 paıyz, pedagogıkalyq mamandyqtar - 23 paıyz jáne tehnıkalyq ǵylymdar jáne tehnologııalar - 20,4 paıyz.
Shtatta turatyn professorlyq-oqytýshylyq quramnyń sany 40 531 adam, qosa atqarýshylyq qyzmet boıynsha 6 322 oqytýshy jumys isteıdi. Professor-oqytýshy qyzmetkerlerdiń 9 paıyzy ǵylym doktory, 36,3 paıyzy - ǵylym kandıdaty, 6,6 paıyzy - professor jáne 17,8 paıyzy - dotsent ǵylymı dárejesi bar. Magıstrdiń akademııalyq dárejesi bar oqytýshylardyń sany 6 057 adam nemese 14,9 paıyz, fılosofııa doktory (PhD) - 473 adam nemese 1,2 paıyz.
Elimizdegi JOO-ń barlyq ǵımarattarynyń jalpy alańy 5 039,3 myń sharshy metrdi, oqý-zerthanalyq ǵımarattardyń jalpy alańy - 2 877,9 myń sharshy metrdi quraıdy.
