Elimizdiń jeti óńirinde kún buzylady
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat Qazgıdrometke silteme jasap.
12 sáýir túnde jáne tańerteń Soltústik Qazaqstan oblysynyń keı jerlerinde tuman túsedi. Ońtústik-shyǵystan soqqan jeldiń ekpini - 15-20 m/s.
Osy kúni Petropavl qalasynda ońtústik-shyǵystan jel soǵady, kúndiz jel jyldamdyǵy - 15-20 m/s.
12 sáýirde Qyzylorda oblysynyń keı jerlerinde naızaǵaı jarqyldaıdy. Kúndiz batystan, soltústik-batystan soqqan jeldiń kúshi keı jerlerde 15-20 m/s jetedi.
12 sáýirde Aqmola oblysynyń keı jerlerinde tuman túsedi.Ońtústik-shyǵystan soqqan jel ońtústik-batysqa aýysady, keı jerlerde jel ekpini - 15-20 m/s.
12 sáýirde Batys Qazaqstan oblysynyń keı jerlerinde tuman túsedi. Soltústik-batystan soǵatyn jeldiń kúshi keı jerlerde 15-20 m/s deıin kúsheıedi.
Osy kúni Oral qalasynda soltústik-batystan soǵatyn jeldiń kúshi 18 m/s jetedi.
12 sáýir túnde Atyraý oblysynyń batysynda batys pen ońtústik-batystan soǵatyn jeldiń ekpini - 18 m/s, kúndiz 15-20 m/s deıin kúsheıedi.
Atyraýda batys pen ońtústik-batystan soǵatyn jeldiń jyldamdyǵy - 15-18 m/s.
12 sáýirde tańerteń jáne kúndiz Túrkistan oblysynyń keı jerlerinde nóser jańbyr jaýady. Keı jerlerde naızaǵaı jarqyldap, ońtústik-batystan 15-20 m/s jyldamdyqpen kúshti jel soǵady.
Túrkistan qalasynda ońtústik-batystan soqqan jeldiń ekpini - 15-20 m/s.
Shymkent qalasynda tańerteń jáne kúndiz nóser jańbyr jaýady. 12 sáýirde keı ýaqytta kún kúrkireıdi, ońtústik-batystan soqqan jeldiń qarqyny - 15-20 m/s.
