Elimizdiń jetekshi kóz hırýrgi Serik Jumabaev dúnıeden ótti
Aqparatty Qostanaı oblysy ákimdiginiń densaýlyq saqtaý basqarmasy rastady.
Serik Embergenuly Jumabaev – QR densaýlyq saqtaý úzdigi, QR 2008 jyldyń úzdik oftalmolog dárigeri.
Qostanaı oblysy ákimdigi densaýlyq saqtaý basqarmasyna qarasty Qostanaı oblystyq oftalmologııa aýrýhanasynyń joǵary bilikti oftalmolog-dárigeri, statsıonarlyq bólimshe basshysy.
Eńbek jolyn Almaty qalasy kóz aýrýlary QazǴZI-da dáriger-ıntern bolyp bastaǵan. Keıinnen Torǵaı oblysynyń aýdanaralyq kóz bólimin basqardy.
Almaty kóz aýrýlary QazǴZI bazasynda eki jyldyq klınıkalyq ordınatýradan ótti.
Kóz aýrýlary QazǴZI respýblıkalyq lazerlik ortalyǵynyń oftalmolog-dárigeri. Torǵaı oblystyq aýrýhanasynyń kóz bóliminiń meńgerýshisi.
Qostanaı oblystyq oftalmologııalyq aýrýhanasynyń statsıonar bólimin basqardy.
Serik Embergenuly 30 jyldan astam ýaqytyn kóz bólimshesinde eńbek etip, oblysta lazerlik hırýrgııany, kózdiń tor qabyǵynan aıyrylý operatsııalaryn, katarakta men glaýkomany hırýrgııalyq emdeýdiń zamanaýı ınnovatsııalyq tehnologııasyn engizdi.
Birqatar oftalmolog mamandardy tárbıelep shyǵardy.
QR Densaýlyq saqtaý mınıstrliginiń, oblys ákiminiń, oblystyq densaýlyq saqtaý basqarmasynyń Qurmet gramotalarymen marapattalǵan.
