Elimizdiń jetekshi ǵalymdary Qazaqstan tarıhyn ejelgi zamannan búginge deıingi kezeńdeýin bastap ketti - B. Aıaǵan
Búgin Astanadaǵy «Qazmedıa ortalyǵynda» ótken baspasóz máslıhatynda Ulttyq tarıhty zerdeleý jónindegi vedomstvoaralyq komıssııasynyń múshesi, Memleket tarıhy ınstıtýtynyń dırektory Búrkitbaı Aıaǵan osylaı málimdedi.
«Mańyzdy máselelerdiń biri - «Tarıh tolqynyndaǵy halyq» baǵdarlamasyn ázirleý boıynsha jumys toby qujattyń alǵashqy nusqalaryn ázirledi. Táýelsiz memlekettiń qazirgi zamanǵy tarıhyn zerdeleý, sondaı-aq, álem tarıhynyń ajyramas bóligi bolyp tabylatyn ulttyq tarıhymyzdy myńdaǵan jyldardan tamyr tartqan etnogenezdik kókjıegin baıandaıtyn tutas tarıhı túsinik qalyptastyrý jáne keshendi ári pánaralyq kópqyrly máselelerde zertteý memlekettik baǵdarlamanyń basty maqsaty bolyp tabylady», - dedi B. Aıaǵan.
Onyń aıtýynsha, elimizdiń joǵary oqý oryndarynda tarıh kafedralarynyń jumysy da jolǵa qoıylǵan. Máselen, 59 JOO-da Qazaqstan tarıhy kafedrasy jumys istese, onyń 9-y ulttyq, 31-i memlekettik, 1 halyqaralyq, 9 aktsıonerlik jáne 9 jekemenshik joǵary oqý oryndary bar.
«Jas tarıhshylar qaýymdastyǵy da qurylyp, olar óz jumystaryn da jandandyryp jatyr», - deıdi Búrkitbaı Aıaǵan.
