Elimizdiń jastary men qarttary da daýys berý boryshyn oryndaýy tıis - Ákim Tarazı
ASTANA. QazAqparat - Elimizdiń jastary men qarttary da daýys berý boryshyn oryndaýy tıis. Búgin elordadaǵy saılaý ýchaskeleriniń birinde jazýshy, QR Memlekettik syılyǵynyń laýreaty Ákim Tarazı osylaı málim etti.
«Búgin boryshymdy oryndaý úshin saǵat 8-den baryp daýys berdim. Halyqtyń kóńil-kúıi jaqsy ekenin baıqadym jáne osyny eń mańyzdy dep sanaımyn. Men daýys bergen ýchaskede saılaýshylardyń qarasy qalyń boldy», - dedi jazýshy.
Budan buryn habarlanǵandaı, daýys berý jergilikti ýaqyt boıynsha tańǵy saǵat 7.00-den 20.00-ge deıin 9741 saılaý ýchaskesinde ótýde. Onyń ishinde Qazaqstan Respýblıkasynyń shet memleketterdegi ókildikteriniń janynan ashylǵan 65 saılaý ýchaskesi bar.
QR Prezıdenti saılaýynyń aldyn ala qorytyndysy 27 sáýirde jarııalanady. Daýys berý aıaqtalǵannan keıin ýchaskelik saılaý komıssııalary 12 saǵattyń ishinde daýystardy sanaýǵa mindetti. Osydan keıin qujattar aýmaqtyq saılaý komıssııalaryna jetkizilip, árbir saılaý komıssııasy deńgeıinde daýys berýdiń aldyn ala qorytyndysy boıynsha sáıkesinshe hattama jasalady. Al 7 kúnniń ishinde saılaýdyń sońǵy qorytyndysy shyǵarylady.
