Elimizdiń jańa ekonomıkalyq baǵytynyń negizgi baǵdarlary aıqyndalmaq
«Ekonomıkanyń odan ári baǵytynyń mańyzdy bóligi kásipkerlikti damytýdyń «jańa kún tártibi» bolady. Bul eń aldymen - retteýshilik apellıatsııa ınstıtýtyn engizý. Kásipkerler men bıznes-qaýymdastyqtardyń shaǵymdary boıynsha apellıatsııalyq tártippen ortalyq jáne jergilikti atqarýshy organdar aktileriniń kúshin joıý nemese toqtata turý tetigin engizý usynylady. ıAǵnı, bızneske kedergi keltiretin sheshimder tez joıylýy nemese túzetilýi múmkin», - dedi Rýslan Dálenov Úkimet otyrysynda.
Onyń aıtýynsha, sonymen birge baqylaý men qadaǵalaýdan túsetin júktemeni tómendetý kózdelgen. Bul josparly tekserýlerden «kásiporyndardy dıagnostıkalaýǵa» kóshýge múmkindikti beredi.
«Bıznestiń mundaı dıagnostıkasy jaýapkershilikke tartpaı júrgiziletin bolady. Josparly tekserýler sanyn azaıtýǵa múmkindik beredi. Naryqqa kirýdi jeńildetý úshin lıtsenzııalar men ruqsattardy maksımaldy qysqartý boıynsha jumys júrgiziledi. Qyzmetterdi tsıfrlandyrý sheńberinde bıznes úshin barlyq qyzmetterdi elektrondyq nysanda tolyq qamtýdy qamtamasyz etý usynylady», - dedi ol.
Mınıstr budan bólek memlekettik qoldaýdyń qarjylyq sharalaryn jetildirý jónindegi jumys jalǵasatynyn jetkizdi.
«Shaǵyn jáne orta bıznes pikir «jetekshilerimen» tikeleı ózara is-qımyl kúsheıtiledi. Jańa orta merzimdi sharalardy iske asyrý kásipkerliktiń sapaly jáne turaqty damýyn qamtamasyz etedi», - dep túıdi Rýslan Dálenov.
