Elimizdiń Jalpy ishki ónimi 7 paıyzdan astam ósti-Prezıdent
«Búgin biz ótip bara jatqan jyldyń mańyzdy qorytyndysyn saltanatty túrde shyǵaramyz. Elimizdiń Jalpy ishki ónimi 7 paıyzdan, ónerkásiptik óndiris 10 paıyzdan astamǵa, óńdeýshi ónerkásip 19 paıyzǵa ósti. Sońǵysy biz úshin óte mańyzdy», - dedi QR Prezıdenti.
Osy oraıda Elbasy mıneraldy resýrstarǵa, jer qoınaýynyń baılyǵyna maldanyp ómir súrmeýimiz kerektigin basa aıtyp, Keńes odaǵynda júrgizilgen ındýstrııalandyrý saıasatyna toqtaldy.
Memleket basshysynyń aıtýynsha, Keńes odaǵy 2,5 mlrd-qa, qazirgi ýaqytpen alyp qaraǵanda 1 trln dollarǵa, ıaǵnı búkil qarjysyna 30-jyldardaǵy daǵdarys kezinde keteýi ketken amerıkandyq kásiporyndardy satyp alǵan. Elge ákelgennen keıin etıketkasyn almastyryp, keńestik kásiporynǵa aınaldyrǵan. Osyndaı jolmen ákelingen kásiporyndar sany 800-ge jetken. Al olarǵa jumys kúshi zorlyq-zombylyqpen, ákimshilik qysymmen ákelinip, sharýalar eńbegimen Keńes odaǵynyń ındýstrııalandyrylýy júzege asqan.
«Biz ondaı ádisti qoldana almaımyz, shyndyq qoı jáne onyń keregi joq, qalamaımyz da. Biraq Qazaqstanda sondaı aýqymdaǵy máselelerdi sheshýdemiz. Men bunyń qarapaıym másele emestigin túsingenin qalaımyn», - dedi QR Prezıdenti.
