Elimizdiń jalpy halyqaralyq rezervteri men ulttyq qor aktıvteri naýryz aıynyń sońynda 52,5 mlrd. AQSh dollary boldy
ASTANA. Sáýirdiń 20-sy. QazAqparat /Rýslan Ǵabbasov/ - Elimizdiń jalpy halyqaralyq rezervteri men ulttyq qor aktıvteri naýryz aıynyń sońynda 52,5 mlrd. AQSh dollaryn qurady. Bul týraly búgin Úkimet otyrysynda bıylǵy jylǵy birinshi toqsannyń áleýmettik-ekonomıkalyq damýyna qorytyndy jasaý kezinde Ekonomıkalyq damý jáne saýda mınıstri Janar Aıtjanova málim etti,
dep habarlaıdy QazAqparat.
«Bul kórsetkish ótken jyldyń sońǵy aıymen salystyrǵanda 10,3 paıyzǵa joǵary. Jalpy ulttyq qor qarajaty sheteldik valıýtada 25,4 mlrd. dollardy jáne ulttyq valıýtada 750 mlrd. teńgeni qurady. Byltyrǵy jylǵy daǵdarysty eńserý sharalary ulttyq qor qarajaty esebinen iske asyrylǵanyna qaramastan osyndaı kórsetkishke qol jetkizildi», dedi mınıstr.
