Elimizdiń jaǵajaı voleıbolshylary «Grand Slam»-niń Berlındegi kezeńinde de úzdik ondyqtyń qatarynan tabyldy
ALMATY. 14 shilde. QazAqparat - Búgin Germanııanyń Berlın qalasynda jaǵajaı voleıbolynan «Grand Slam» álemdik týrynyń kezekti kezeńdik jarysy óz máresine jetti.
10 shilde kúni bastalǵan bul dúbirli dodada qazaqstandyqtar 3-8 shilde kúnderi Shveıtsarııada ótken kezeńdegi nátıjeni qaıtalady. Atap aıtqanda, erler quramasynyń úzdigi Alekseı Sıdorenko men Aleksandr Dıachenko 1/8 fınalda nıderlandyqtarǵa ese jiberip, 9-shy orynǵa taban tiredi. Sóıtip, reıtıngtik qoryn 320 upaıǵa ulǵaıta aldy.
Buǵan deıin olardyń komandalas serikteri Dmıtrıı ıAkovlev pen Alekseı Kýleshov dárejelik synnyń ekinshi kezeńinen súrinip, 33-oryndy qanaǵat tutty. Sondaı-aq áıelder arpasynda baq synaǵan Tatıana Mashkova men Irına Tsımbalova da osyndaı kórsetkish kórsetip, qos jup ta reıtıngtik upaı qoryna 40 upaı ǵana qosqan bolatyn. Endi álemdik týrdyń kelesi kezeńi 16-21 shilde kúnderi Avstrııada jalǵaspaq. «A1 Grand Slam presented by ERGO GS» degen atpen ótetin bul saıysta qazaqstandyqtardyń Shveıtsarııa pen Germanııadaǵy nátıjelerin jaqsartýǵa múmkindigi bar.
