Elimizdiń Vankýverde ótetin qysqy Olıpıadaǵa lıtsenzııasy 40-qa jetýi múmkin

Bul týraly búgin QR Sport jáne týrızm mınıstrligi Sport komıtetiniń tóraǵasy Anatolıı Qulnazarov aıtty.

Onyń aıtýynsha, Halyqaralyq olımpıadalyq komıtet aqpannyń 25-ine deıin jekelegen sport túrleri boıynsha jarys jolyna shyǵatyn sportshylardyń tizimin jarııalaıdy. Bul tizimde frıstaıl, akrobatıka sııaqty birqatar sport túrleri bar. Osy sport túrlerinen qazaqstandyq sportshylar birneshe lıtsenzııa alady degen senim bar.

«Vankýverde óskemendik Dmıtrıı Rıhard jaqsy nátıje kórsetýi múmkin. Ol frıstaıldan Álem kýbogynyń sońǵy kezeńinde úshinshi nátıje kórsetken bolatyn. Sonymen qatar erler estafetasynda qazaqstandyq tórttik sátti óner kórsetedi degen oıdamyz», deıdi Komıtet tóraǵasy.

Al aldaǵy jyly elimizde ótetin Azııa oıyndarynda Qazaqstan quramasy 20-25 altyn medal enshilep, komandalyq esepte Qytaıdan keıin ekinshi oryndy ıelenýdi maqsat etip otyr.

A.Qulnazarovtyń atap ótkenindeı, oǵan 2011 jylǵy Azıadaǵa deıingi Vankýverdegi qysqy olımpıada oıyndary óz áserin tıgizbek. Sebebi qazirgi ýaqytta sporttyń 11 túrinen 120-dan astam sportshy olımpıada oıyndaryna qyzý daıyndyq ústinde.