Elimizdiń úzdik jas ınnovatorlary anyqtaldy
Qazaqstannyń túkpir-túkpirinen jınalǵan jas ónertapqyshtar eki kún boıy 8 baǵyt boıynsha jobalaryn usyndy: «IT tehnologııalar», «Medıtsına», «Qaldyqtardy paıdaǵa jaratý», «Aýyl sharýashylyǵy», «Energetıka», «Qyzmet kórsetý salasy», «Aqyldy tehnologııalar», «Innovatsııalar».
«Bolashaq» qaýymdastyǵynan málim etkendeı, qatysýshylardy oqytý úshin eń úzdik jattyqtyrýshylar, bapkerler, qyzmettegi bıznesmender shaqyrylyp, olar jastarmen ózderiniń tájirıbelerimen jáne bilimderimen bólisti.
Jartylaı fınalǵa qatysýshylar 100-den astam ınnovatsııalyq ıdeıany usyndy jáne olardyń 27-i ǵana fınaldyń sońǵy kezeńine ótti.
Jas ınnovatorlarǵa tanymal qoǵam qaıratkerleri, bıznes-jattyqtyrýshylar men beldi sarapshylar baǵa berdi, olar: Bilim jáne ǵylym mınıstrliginiń jaýapty hatshysy Aryn Orsarıev, Din isteri jáne azamattyq qoǵam mınıstrligi Jastar saıasaty departamenti basqarmasynyń basshysy Almagúl Qutanova, Qazaqstannyń Jańǵyrmaly energııa qaýymdastyǵynyń basshysy Arman Qashqynbekov, «Sınergııa» bıznes-mektebiniń (Reseı) qazaqstandyq ókildiginiń dırektory Baýyrjan Qasymbergebaev, Kásipkerlik bilim berý qaýymdastyǵynyń tóraǵasy Almagúl Qanaǵatova jáne jas ǵalym, Nazarbaev Ýnıversıtetiniń National Laboratory Astana-nyń ǵylymı qyzmetkeri Dámel Mektepbaeva.
Nátıjesinde, «Caste Exoskeleton. Reabılıtatsııalyq tehnıka» jobasyn usynǵan Qaraǵandy qalasynyń ókili Vıacheslav Lıtvınov festıval jeńimpazy atanyp, Máskeý qalasyndaǵy Plehanov atyndaǵy Inkýbatorda tegin oqý sertıfıkatyna ıe boldy.
Al «Tazalyk»jobasyn usynǵan Almaty qalasynyń ónertapqyshtar toby:Raqym Aıbek, Ersultan Nálihan jáne Elnur Jeksenovekinshi oryn ıegerleri atandy.
Úshinshi oryn «Ekokorm» jobasynyń avtory elordalyq Damır Taǵambaevqa buıyrdy.
Sondaı-aq festıval jeńimpazdary men júldegerleri «Synergy Global Forum Almaty 2017» halyqaralyq forýmyna qatysýǵa shaqyrý aldy.
Budan basqa, 10 jobanyń avtorlary International Startup Academy bazasynda akseleratsııadan ótýge sertıfıkattar aldy.
Din isteri jáne azamattyq qoǵam mınıstrligi Jastar saıasaty departamenti basqarmasynyń basshysy Almagúl Qutanova 10 úzdik jobanyń avtorlaryn Mınsk qalasynda ótetin ınnovatsııalyq ıdeıalardyń halyqaralyq jobasyna qatysýǵa shaqyrdy.
Kásipkerlik bilim berý qaýymdastyǵynyń tóraǵasy, «Bolashaq» baǵdarlamasynyń túlegi Almagúl Qanaǵatova, Almaty oblysynyń Jylandy aýylynda mýltımıllıoner Baýyrjan Ospanovtyń jazǵy lagerine barý úshin eki grant bóldi.
Respýblıkalyq festıval Elbasynyń memlekettik baǵdarlamalaryn, sonyń ishinde «Tsıfrlyq Kazahstan - 2020» baǵdarlamasyn júzege asyrý jáne damytý maqsatynda ótkizilýde.
