Elimizdiń úzdik shańǵyshylary marapattaldy
ASTANA. 16 sáýir. QazAqparat - Búgin Astanada «Samuryq-Qazyna» Ulttyq ál-aýqat qory» AQ basqarma tóraǵasy, QR shańǵy jarysy federatsııasynyń prezıdenti Ómirzaq Shókeevtiń jáne shańǵy sporty maıtalmandarynyń qatysýymen federatsııanyń keńeıtilgen otyrysy bolyp ótti.
Otyrysta federatsııa basshylyǵy ótken maýsymnyń qorytyndysyn shyǵaryp, aldaǵy ýaqytqa josparlaryn jarııalady.
Sondaı-aq, «Samuryq-Qazyna» basshysy Ó. Shókeev shańǵydan Qazaqstan quramasynyń úzdik bapkerleri men sportshylaryna baǵalyq syılyqtar tabys etti.
Sońǵy kezderde shańǵy sportynda jaqsy nátıje kórsetip júrgen Alekseı Poltoranın, Nıkolaı Chebotko syndy sportshylardyń eńbegi atap ótilip, aqshalaı syılyqqa ıe boldy.
«Shańǵy sporty elimizde jaqsy damyp kele jatqan sport túrleriniń biri. Onymen aınalysý árkimniń qolynan keledi jáne qymbatqa da túspeıdi. Túrli álemdik básekelerde de jaqsy nátıjeler kórsetip júrmiz. Sondyqtan memleket osy sport túrin odan ári damyta túsýge múddeli», dep atap ótti Ó. Shókeev.
