Elimizdiń úzdik qurylysshylary anyqtaldy
QYZYLORDA. QazAqparat - Qyzylordada elimizdiń barlyq óńirinen kelgen qurylysshylar úzdik sheber ataǵy úshin baq synasty, dep habarlaıdy QazAqparat tilshisi.
Bul shara «Úzdik qalaýshy» jáne «Úzdik sylaqshy» nomınatsııalary boıynsha ótkizildi. Biliktilik pen sheberlikti synǵa salǵan sharaǵa qatysýǵa elimizdiń barlyq óńirinen 30-ǵa jýyq azamat nıet bildirgen. Baıqaý barysynda barlyq tapsyrmalardy durys oryndaýmen qatar qaýipsizdik sharalaryn saqtaý jáne shyǵarmashylyq kózqarastary nazarda ustaldy.
Qazylar alqasynyń sheshimimen elimizdiń úzdik qalaýshysy retinde atyraýlyq Aıjaryq Nııazov tanyldy. Al qaraǵandylyq Nına Derksen elimizdiń úzdik sylaqshysy atandy. Jeńimpazdarǵa baǵaly syılyqtar tabys etildi.
Ádiljan Úmbet
