Elimizdiń úsh óńiriniń turǵyndaryna eskertý jasaldy
NUR-SULTAN. QazAqparat - Qazaqstannyń úsh óńirindegi ózenderdiń sý deńgeıi kóterilýi yqtımal. Mundaı aqparatty QR ІІM Tótenshe jaǵdaılar komıteti taratty, dep habarlaıdy QazAqparat tilshisi.
«Qazgıdromet» RMK málimetterine sáıkes, 22 qańtardan bastap 23-25 qańtar aralyǵynda Shyǵys Qazaqstan men Almaty oblystaryndaǵy ózenderde, sonymen qatar Qyzylorda oblysy sheginde Syrdarııa ózeninde aýa raıynyń qolaıly bolatyndyǵy týraly boljamǵa baılanysty muz qursaýynyń buzylyp, ózenderde muz keptelisteriniń bolýy jáne sý deńgeıiniń kóterilýi yqtımal«, - dep atap ótedi vedomstvodan.
Osyǵan qaraı QR ІІM Tótenshe jaǵdaılar komıteti óńir azamattarynan atalǵan kúnderi barynsha qyraǵylyq tanytýdy, tótenshe jaǵdaı bolǵan sátte 112 qutqarý qyzmetiniń biryńǵaı nómirine qońyraý shalýdy suraıdy.
«Azamattyq qorǵanys bólimsheleri tolyq daıyndyqqa keltirildi. Ózenderdi gıdrologııalyq ahýalǵa monıtorıng kúsheıtildi», - delingen komıtet aqparatynda.
