Elimizdiń úsh oblysynda joldar jabyldy
ASTANA. QazAqparat - Qazaqstannyń 3 oblysynda aýa raıyna baılanysty avtokólik joldary jabyldy, dep habarlaıdy QR ІІM TJK baspasóz qyzmeti.
Almaty oblysynda 31 jeltoqsan kúni saǵat 18:00-dan bastap aýa raıynyń nasharlaýyna (boran, joldyń kórinbeýi) baılanysty «Saryózek-Kóktal» respýblıkalyq mańyzy bar avtojolynyń 40-80-shi shaqyrymy aralyǵynda (Qoǵaly aýyly men Basshı aýyly) barlyq kólikterge jol jabyldy.
31 jeltoqsan kúni saǵat 16:30-dan bastap aýa raıynyń nasharlaýyna (boran, joldyń kórinbeýi) baılanysty «Úsharal-Dostyq» respýblıkalyq mańyzy bar avtojolynyń 83-shi men 184-shi shaqyrymynda barlyq kólikterge jol jabyldy.
Shyǵys Qazaqstan oblysynda 31 jeltoqsan kúni saǵat 17:00-den bastap aýa raıynyń nasharlaýyna baılanysty (qatty burkasyn) «Almaty - Óskemen» respýblıkalyq mańyzy bar avtojolynyń 973-1048 km aralyǵynda jolaýshylar avtokólik túrlerine jáne tirkeme, jartylaı tirkeme avtokólikterge qozǵalys jabyq.
Qostanaı oblysy 31 jeltoqsan kúni saǵat 19:30-dan bastap aýa raıynyń nasharlaýyna baılanysty (daýyl, joldyń kórinbeýi) oblystyq joldar barlyq avtokólikteri túrlerine jabyldy: - a/j «Áýlıekól -Joldama», 0-257 km.
