Elimizdiń úsh oblysynda salqyn aýa raıy saqtalady - Qazgıdromet

ASTANA. QazAqparat - 22 mamyr kúni elimizdiń soltústik, shyǵys jáne ońtústik-shyǵys aımaqtarynda qubylmaly aýa raıy saqtalady. Keı jerlerinde jańbyr jaýyp, naızaǵaı oınaıdy, jel kúsheıedi. Al respýblıkanyń qalǵan aımaqtary jaýyn-shashynsyz. Bul týraly Qazgıdrometke silteme jasap, QR TJM baspasóz qyzmetinen habarlandy.

Aqmola, Jambyl, Shyǵys Qazaqstan, túnde Almaty, Mańǵystaý, kúndiz Soltústik Qazaqstan, Qaraǵandy oblystarynda jel 15-20 m/s-qa deıin soǵady. Qostanaı oblysynyń birqatar jerlerinde jel 23 m/s-qa deıin kúsheıedi. Al Ońtústik Qazaqstan oblysynyń keı jerlerinde shańdy daýyl turyp, jeldiń ekpini 15-20 m/s bolady.

Túnde Pavlodar, Qaraǵandy, Shyǵys Qazaqstan oblystarynda salqyn aýa raıy saqtalyp, 0-3 gradýsqa deıin barady.